Аймак

ТАЖИКСТАНДАГЫ ПАРЛАМЕНТТИК ШАЙЛООДО БИЙЛИКТЕГИ ПАРТИЯ ЖЕҢИШКЕ ЖЕТТИ

ТАЖИКСТАНДАГЫ ПАРЛАМЕНТТИК ШАЙЛООДО БИЙЛИКТЕГИ ПАРТИЯ ЖЕҢИШКЕ ЖЕТТИ

 681 Бардыгы /

Тажикстандын Борбордук шайлоо комиссиясы (БШК) 1-мартта өлкө парламентинин төмөнкү палатасына өткөн шайлоодо бийликтеги Элдик-демократиялык партия жеңишке жеткенин билдирди.

Шайлоого жалпысынан жети саясий күч катышкан. Алардын арасындагы жалгыз оппозициячыл партия эсептелген Тажикстандын социал-демократиялык партиясы парламентке өтө алган жок.

БШКнын төрагасы Бахтиёр Худоёрзода шайлоого добуш берүү укугуна ээ жарандардын 86% ашыгы катышканын билдирди. Анын айтымында, Элдик-демократиялык партия добуштардын 50,4% алды. Агрардык партия менен Экономикалык реформалар үчүн партиясы төрттөн мандат алса, Тажикстандын демократиялык партиясы менен Социалисттик партия бирден мандат алышты.

Коммунисттер партиясы менен Тажикстандын социал-демократиялык партиясы беш пайыздык чектен аша алышкан жок.

Тажикстанда жарандык согуш аяктаган 1997-жылдан берки бешинчи жолу өткөн парламенттик шайлоого быйыл Ислам кайра жаралуу партиясы катышкан жок. Бул саясий уюм өлкөдө террористтик деп табылып, анын ишмердүүлүгүнө тыюу салынган.

Эл аралык байкоочулар, анын ичинде ЕККУ жана Батыш өлкөлөрү буга чейин Тажикстанда өткөн бир дагы шайлоону ачык жана адилеттүү деп тапкан эмес.

www.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17