1,193 Бардыгы /

ЖАЛАЛ-АБАД. Өрт кырсыгын болтурбоо максатында тынымсыз аракеттер көрүлүүдө. Бул тууралуу Аксы райондук ӨКБнүн ӨӨжААБнүн башчысы улук лейтенант А. Кушумбетов билдирди.

Бүгүнкү күндө өлкө аймагында турак-жай, короо-жайлар, базарларда жана автоунаалардын өрттөнүүсү көп катталып, адам өмүрлөрүн алып жаткан учурлар болуп жатканы баарыбызга маалым.

Өрт кырсыктарынын алдын алуу максатында 2019-жылы Аксы райондук өзгөчө кырдаалдар бөлүмү тарабынан өрт коопсуздук эрежелерин сактоо боюнча калкка жеткирип, түшүндүрүү иштерин жүргүзүү максатында 5 ирет телекөрсөтүү, 4 макала чыгарылып, 225 жолу 14 755 жаранга лекция, 1165 жолу 6903 атуулга өрткө каршы интруктаждар өткөрүлгөн.

Өрт кырсыктары 2018-жылга салыштырмалуу 9 өрт кырсыгына азайган. 2019-жыл ичинде Аксы районунун аймагында 30 өрт кырсыгы катталып, андан кетирилген материалдык зыян 1 млн 60 миң 307 сомду түзгөн. Негизинен катталган өрт кырсыктарына анализ жүргүзгөндө электр шаймандарын техникалык пайдаланууда эреженин бузулушунан, жылытуучу мештердин жана моорлордун туура эмес түзүлүшүнөн, жаш балдардын от менен ойноосунан өрт кырсыктары келип чыккан.

Ошондуктан КР ӨКМнин Аксы райондук өзгөчө кырдаалдар бөлүмү, өрт коопсуздук эрежелерин тураа сактоону, балдарды кароосуз калтырбоону, электр жылыткычтарын, электр буюмдарын үйдө эч ким жок мезгилде жандырылган абалда калтырбоону, от жагуучу мештерди туура пайдаланууну, жыйылган тоюттарды турак-жайдан, сарайлардан алыс жыйноону, таштандыларды өрттөгөн учурда кароосуз калтырбоону эскертет.

Урматтуу районубуздун тургундары тилсиз жоого жол бербей, эмгек менен жаралган мүлкүбүздү сактайлы!

Өрт чыкан учурда 101 же 112 кызматына чалыңыздар!

“Аймак”