802 Бардыгы /

Арстанбап айылынын тургуну флагштоктогу тууну жыл сайын алмаштырып турат. Өзбек улутундагы  37 жаштагы Муратбек  өз каражатына флагшток орноткон.

Ар бир жаран мамлекеттин символдорун сүйүүсү абзел деген оюн айтып,  желекти да ал өзү жасагандыгын билдирет.

“Арстанбап айыл аймагы туризмге ылайыкташкан, ошол себептүү өткөн жылы өзүмдүн каражатыма айылдын ортосуна бийиктиги 25 метр болгон флагшток орнотком. Быйыл мамлекеттик туубуздун кабыл алынган күнүнө карата өзүм кездемесин сатып алып, үйүмдө тигип жаңыладым. Буйруса бир жылда эки ирет өзүм орноткон тууну алмаштырып турууну пландап жатам. Негизи өзүмдүн улутум өзбек улутунда, бирок кайсы мамлекетте жашасак, ошол өлкөнүн мыйзамдарына, мамлекеттик символдорун сүйүшүбүз керек. Ошол себептүү өлкөбүздү таанытып турчу желегибиз ар бир айыл аймакта чоң болуп, көзгө көрүнүп туруусун каалайм”,-дейт Муратбек Мамадалиев.

Эске сала кетсек, Туу Кыргыз Республикасынын Жогорку Советинин 1992-жылдын 3-мартындагы токтому менен бекитилген. Авторлору: Э. Айдарбеков, Б. Жайчыбеков, С. Иптаров, Ж. Матаев, М. Сыдыков.

«Аймак»