1,028 Бардыгы /

ЖАЛАЛ-АБАД. 2019-жылдагы ишмердүүлүгүндө мыкты көрсөткүчтөргө жетишип, областтын аймагында 1-орунду ээлегендиги үчүн Аксы РИИБдин Ардагерлер кеңешине ардак грамота жана сый лентасы ыйгарылды. Бул тууралуу Жалал-Абад ОИИБдин басма сөз кызматы маалымдады.

Сыйлыктарды өздүк курамдын катышуусунда тапшырып жатып РИИБдин начальниги милициянын полковниги Шекербек Таңгиров ардагерлерди кызуу куттуктап, бул жылы да ийгиликтерге жетүүсүн каалады. Ошондой эле 2 ардагерге «Кыргыз милициясына 95 жыл» юбилейлик медалдары ыйгарылды.

Мындан сырткары дүйнө жүзүнө тарап жаткан коронавирус илдетинин алдын алуу максатында Аксы райондук санитардык эпидемиологиялык кызматы тарабынан РИИБдин имараты, убактылуу кармоочу жайы, текшерип өткөрүү пункту, жумуш бөлмөлөрү дезинфекцияланды.

Коронавируска каршы дезинфекциялоо иштери Жалал-Абад областынын аймагындагы башка милиция бөлүмдөрүндө дагы жүргүзүлүүдө. Ошондой эле милиция кызматкерлерине бул оорунун алгачкы белгилери жөнүндө маалыматтар жеткирилүүдө.

“Аймак”