Аймак

ӨЗБЕКСТАНДА ПАНДЕМИЯ МААЛЫНДА МУГАЛИМДЕР ОКУУЧУЛАРДЫН ҮЙЛӨРҮН КЫДЫРУУГА МАЖБУРЛАНУУДА

ӨЗБЕКСТАНДА ПАНДЕМИЯ МААЛЫНДА МУГАЛИМДЕР ОКУУЧУЛАРДЫН ҮЙЛӨРҮН КЫДЫРУУГА МАЖБУРЛАНУУДА

 838 Бардыгы /

Өзбекстанда коронавируска байланыштуу карантин жарыяланганына карабастан, Анжиян облусунун Избаскан районундагы мугалимдер окуучулардын үйлөрүн кыдырып, алардын онлайн сабактарды кандай аткарып жаткандыгын сүрөткө тартууга аргасыз болушууда.

Бул маалыматты аймактагы эки мектептин директору менен мугалимдери ырасташты.

Алардын айтымында, райондук билим берүү башкармалыгы күн сайын окуучулардын сабагын текшерип, тиешелүү отчётторду тапшырып турууга буйрук берген. Бул талапты аткарбагандардын айлыгы кыскара турганы айтылган.

–​ Ар бир класс жетекчиге интернети жок окуучулардын үйлөрүн кыдырып, алардын онлайн сабактарга кантип даярданып жатканын сүрөткө тартып алуу тапшырмасы берилди. Интернети бар ата-энелерден өзүңөр сүрөткө тартып жибергиле деп суранып жатабыз. Бизге кийин бул сүрөттөр Телеграм-каналга жарыялана турганын айтышты», — деди райондогу мугалимдерди бири.

Ал мугалимдер илдет жуктуруп алуу ыктымалдыгынан улам окуучулардын үйлөрүн кыдыруудан кооптонуп жатышканын кошумчалады.

Бирок райондук билим берүү башкармалыгынын жетекчиси Азизилло Абдукаримов бул маалыматты четке кагып, мектептерге андай буйрук берилбегенин билдирди.

Өзбекстанда коронавирус жуктуруп алган алгачкы адам аныкталгандан кийин марттын ортосунан тартып өлкөнүн бардык жогорку окуу жайлары, мектептер жана бала бакчалар карантинге тараган.

WWW.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17