Анын айтымында, студенттердин карантин мөөнөтүн узартууга алар менен чогу учуп келген жүргүнчүлөрдүн биринде коронавирус табылганы себеп болду.

«Казакстанга келгенден кийин студенттер текшерилгенде, эч кимисинен коронавирус аныкталган эмес. Бирок алгачкы эки жуманын ичинде алар менен учуп келген үч киши коронавирус жуктуруп алганы белгилүү болду. Ошондуктан санитардык нормаларга ылайык, карантин дагы эки жумага узартылды», — деди басма сөз катчы.

Өз кезегинде студенттер эки жума обсервацияда болушканын, эми аларды үй карантинине чыгарса болмок деп эсептешүүдө. Айтымдарында, акыркы жолку текшерүүнүн жыйынтыгында аларда коронавирус жок экени аныкталган

Эки жумалык карантинди Атырау шаарындагы жатаканада өткөргөн студенттер алгач жаңы курулуп бүткөн көп кабаттуу бош үйлөрдүн бирине жайгаштырылган. Бирок ата-энелер андагы шарттарга даттангандан кийин шаардагы санаторийлердин бирине которулушту.