Жергиликтүү полициянын маалыматына караганда, кармалган жарандар «Ислам мамлекети» террордук тобунун Ооганстан жана Сириядагы лидерлери менен байланышып, алардан тапшырма алып турушкан.

«Кармалгандардын максаты — АКШ күчтөрүнүн Германиядагы мекемелерине чабуул коюу жана айрым жарандарга кол салуу болгон. Өлтүрүлө тургандардын арасында «исламды сындаган пикир айткан» деп эсептелинген бир киши болгон», — деп билдирди полиция.

Колго түшүрүү маалында тажик жарандарынан колго жасалган жардыруучу заттар алынган.

2019-жылы мартта Германияда теракт даярдоо шеги менен он адамдан турган топ колго түшкөнү, алардын көбү тажикстандыктар болгону кабарланган. Андан бир нече күндөн кийин Германия полициясы кармалгандар бошотулганын, бирок аларга карата тергөө иши улана турганын билдирген.