1,113 Бардыгы /

20-апрелдин кечинде “West Texas Intermediate” (WTI) маркасындагы мунайдын бир баррели дээрлик 100% кунун жоготту. “Азаттык” билдиргендей, шейшембиге оогон түнү Лондон биржасында 0,01 долларга чейин түшүп, кайра жогорулады.

Белгилей кете турган жагдай, бул WTI мунайынын май айында жеткирилчү бөлүгүнө тиешелүү баа.

Финансы талдоочулары фондулук биржа тарыхында баанын мынчалык ыкчам кулашы каттала элек болчу деп жатышат.

Арзандоого коронавирустун кесепетинен улам кара майга суроо-талаптын кескин кыскарып, Кошмо Штаттардагы WTI мунайы сакталган жайлар толуп баратканы себеп болгон. “Рейтер” агенттиги өндүрүш ыргагы ушул бойдон кала берсе, Оклахома штатындагы Кушинг резервуары май айында толорун маалымдаган.

Бир апта мурда мунай экспорттоочу өлкөлөрдүн уюму жана постсоветтик мунайчы өлкөлөр мунасага келишкен. Ага ылайык, май-июнь айларында өндүрүштү суткасына 10 млн. баррелден ашырбоо сүйлөшүлгөн. Ага карабастан 20-апрелде Брент үлгүсүндөгү мунай 7% наркын жоготуп, баррели 26 долларга чейин түштү.

WWW.