1,031 Бардыгы /

Казакстандык укук коргоочулар бийлик коронавируска байланыштуу киргизилген чараларды саясий каршылаштарын куугунтуктоо үчүн колдонуп жатканын билдиришүүдө.

Өткөн аптада Казакстанда бир нече жарандык активист жана коомдук ишмерлер кармалган. Алар өзгөчө абал режимин бузууга же фейк маалыматтарды таратууга айыпталышууда.

Укук коргоочу Маржан Аспандиярова айыптоолор саясий мүнөзгө ээ деп эсептейт.

“Бийлик өзгөчө абалды белгилүү кишилерди камоо, куугунтуктоо жана оозун басуу үчүн колдонууда. Бул чыныгы репрессия”, – деди ал.

Мындай абалга тынчсыздануусун билдиргендердин арасында журналисттерге жана блогерлерге колдоо көрсөткөн “Адил сөз” фонду да бар. Укук коргоочулар Казакстандын башкы прокуроруна кат жолдоп, кармалгандарды токтоосуз түрдө бошотууну талап кылышты.

WWW.