1,219 Бардыгы /

Бүгүн, 18-май күнү эртең менен Талдыкоргон шаарында казакстандык белгилүү журналист Бейсен Куранбек узак оорудан кийин көз жумду. Ал 49 жашта болчу.

Бейсен Куранбек 1971-жылы 9-декабрда Алматы облусунун Кызылжар айылында туулган. Аль-Фараби атындагы казак улуттук университетин аяктаган. Эмгек жолун катардагы кабарчы жана республикалык «Спорт» гезитинин жооптуу катчылыгынан баштаган. «Рахат», «31 канал», «Хабар» телеканалдарында иштеген.

2013-2017-жылдары «Казахстан» телеканалында «Айтуға оңай» ток-шоусун алып барган. Кийин «Қарекет» программасын алып чыккан. Анын берүүлөрүндө калктын социалдык көйгөйлөрү талкууланган. Куранбек Казакстан президентинин сыйлыгынын лауреаты болгон.

WWW.