876 Бардыгы /

Түркмөнстан COVID-19 инфекциясынын жайылуусун алдын алуу боюнча чаралардын алкагында жарандардын өлкө аймагында жүрүүсүнө кескин чектөөлөрдү киргизүүдө. Бул тууралуу «Азаттыктын» түркмөн кызматы кабарлады.

«Түркмөнабад шаарында адамдарга расмий жумушка же жыйындарга барууга гана уруксат берилди. Бул үчүн полициядан атайын уруксат кагаздарын алуу керек», — деди радионун Лебап облусундагы кабарчы.

Түркмөнабадда COVID-19га шектелген бейтаптар үчүн карантиндик аймактарды кеңейтүү жана 1-июндан тартып Лебап облусун карантинге жабуу пландалып жаткан кабарланууда. Азырынча бул маалыматты Саламаттык сактоо министрлигинен же башка мамлекеттик мекемелерден ырастоого мүмкүн болгон жок.

15-майда түркмөн өкмөтү айрым калктуу конуштарды жаап, «Аваз» курорттук аймагында жайкы эс алууга тыюу салууну сунуштаган.

Өлкөдө медицина кызматкерлери менен жарандарга коронавирус жана анын белгилери тууралуу айтууга тыюу салынган. Бийлик өлкөдө бул илдетке чалдыккандар жок экенин билдирип келет.

www.