1,929 Бардыгы /

31-август Кыргыз Республикасынын Эгемендик майрамына арналган иш-чара Жалал-Абад шаарында онлайн өтөт. Бул тууралуу шаардын вице-мэри Руслан Алтышев билдирди.

“Өлкөбүздүн эгемендигин 29 жылдыгына карата иш-чаралар иштелип чыккан. Бул областык жана республикалык масштабдагы иш-чаралар менен шайкеш келет. Негизи учурдагы кырдаалга байланыштуу эгемендик майрамына арналган иш-чара онлайн өткөрүлөт. Ага байланыштуу онлайн түрүндө шаар мэринин куттуктоосу айтылат. Ошондой эле жаранданды куттуктоо максатында көчөлөрдө куттуктоо сөздөрү илинет”,-дейт Р.Алтымышев.

Анын айтымында Барпы драма театрынын жамааты тарабынан онлайн форматта концерттик программасын куттуктоо иретинде тартуулашат. Ага улай эле пандемия менен күрөшкөн медиктерге ыраазычылык көрсөтүү максатында “Кызыл жарым ай” коому менен биргеликте борбордук аянтчага инсталляция даярдалып, орнотуу алдында турат.

Бул иш-чарага жыл башынан каралган 200 миң сом каражат үнөмдөлгөн, ал финансылык беренелердин негизинде  илдет менен күрөшүүгө сарпталат.

Эске сала кетсек, 1991-жылы Кыргызстан СССРдин курамынан бөлүнүп, 31-август Эгемендик майрамы деп жарыяланган.

Акылай КАРАБАЕВА, “Аймак”