780 Бардыгы /

«Эркин Европа/Азаттык» радиосунун орус кызматынын («Свобода» радиосу) уктуруулары Mail.ru Group компаниясы иштеп чыккан «Маруся» аттуу үн жардамчысынын аркасы менен мурдагыдан да жеткиликтүү болуп калды.

Актриса Елена Соловьеванын үн коштоосундагы «Маруся» программасы тиркеме катары IOS жана Android платформаларында, ошондой эле «Капсула» деген акылдуу колонкаларда сунушталат. Анын жардамы менен «Свобода» радиосунун түз эфирине «Маруся, «Свобода» радиосун жандыр!» деген команда аркылуу туташууга болот.

Бүгүнкү күндө «Свобода» радиосун коомдук-саясий, эл аралык, маданий тематикалар боюнча интернетте күнү-түнү угууга болот. Мындан тышкары анын эфири Орусияда кечкисин 1386 кГц жыштыгында жеткиликтүү.

Виртуалдык жардамчы «Маруся» мобилдик байланыш базарында 2019-жылы пайда болгон. Бул программалык агент колдонуучу мобилдик түзмөккө киргизген же түрдүү интернет-ресурстардан алынган маалыматтардын негизинде командаларды аткарат.

WWW.