681 Бардыгы /

Бишкектеги президент жана Жогорку Кеңештин депутаттары отурган Ак үйдө өрт чыкты. “Азаттыктын” кабарчысы жеринен билдиргендей, учурда аталган имараттын үчүнчү кабатынан кара түтүн каптап, түтөп жатат.

Азырынча имараттын жанында эки өрт өчүрүү автоунаа келип, тилсиз жоону өчүрүү аракетин көрүүдө.

5-октябрда парламенттик шайлоонун жыйынтыгына нааразы болгон партиялар баштаган тынчтык митинги массалык башаламандыкка айланып, 6-октябрда митингчилер парламент менен президент отурган имаратты, УКМКнын имаратын басып алышты.

Президент Сооронбай Жээнбековдун басма сөз катчысы Толгонай Стамалиева өлкө башчысы Бишкек шаарында экенин билдирген.

Анын айтымында саат 02.00гө чейин Жээнбеков Жогорку Кеңештин имаратындагы иш ордунда болуп, бардык саясий күчтөр менен жеке сүйлөшүүлөрдү өткөргөн.

Ал тапта Интернетте президенттик администрациядан милиция коштоосунда бир топ автоунаа чыгып, батышты көздөй кеткени тууралуу видео жарыяланды.

Парламенттик шайлоону мыйзам бузуу менен өттү деп, жыйынтыктарын жокко чыгарууну талап кылган саясий партиялардын лидерлери жана тарапкерлери 5-октябрда Ала-Тоо аянтында митингге чыгып, мөөнөтсүз митинг жарыялашкан.

WWW