618 Бардыгы /

Өзбекстанда 11 жеке ишкер орноштуруу агенттигинин 51 өкүлүнө каршы кылмыш иши козголду. Бул тууралуу өлкөнүн Иш менен камсыздоо жана эмгек мамилелери министрлиги билдирди.

Расмий маалыматка караганда, бул фирмалар 9 338 кишиден жалпысынан 7,6 миллион АКШ долларын алышкан.

Өзбекстанда иш менен камсыздоо боюнча 103 агенттик каттоодон өткөн, алардын 75и лицензия алган, 25и учурда ушул лицензиянын негизинде иш алып барат. Алар 2019-2020-жылдары 3 214 кишини Орусия, Түркия, Литва, Латвия, Польша, Болгария, Бириккен Араб Эмираттары, Беларус, Жапония, Казакстан, Украина жана Катарга жумушка жөнөткөн.

Буга чейин жүздөгөн өзбекстандык жеке ишке орноштуруу агенттиктерине алданып калышканын билдиришкен. Айрым кишилер Ташкенттин борбордук аянтында наарызылык акциясын өткөрүшкөн.

2020-жылы 13-августта “Жеке ишке орноштуруу агенттиктери жөнүндө” мыйзамга өзгөртүүлөр жана толуктоолор киргизилген. Мыйзам кийинки айда күчүнө кирет. Ага ылайык, мындан ары Өзбекстанда иш алып барган агенттиктер көрсөткөн кызматы үчүн жумуш издеген жарандардан эмес, иш берүүчү компаниялардан акы алат.

WWW