621 Бардыгы /

Согди облусунун бийлиги ишкерлерден «коронавирустан коргой турган» «Virus shut out» деген жазуусу бар бейджиктерди сатууну токтотууну талап кылды.

Пластик бейджиктер облустун административдик борбору эсептелген Хожент шаарындагы дарыканаларда октябрдын ортосунда пайда болуп, тез эле жашоочулардын арасында популярдуулукка ээ болгон.

Согди облустук саламаттык сактоо башкармалыгынын жетекчиси Султон Рахмонзода калаа дарыканаларындагы бейджиктердин бир бөлүгү сатыктан алынганын билдирди. «Бүгүнкү күнгө карата Хожент шаарындагы дарыканалардан мындай 200-300 «антикоронавирустук» товарды сатыктан алдык», — деди ал.

Рахмонзода ичине хлор салынган, бир жарым метр аралыкта вирусту өлтүрөт деп айтылып жаткан бейджиктер лабораторияга анализге жөнөтүлгөнүн кошумчалады.

Азырынча нускамасы жапон тилинде жазылган бул бейджиктердин Хожент шаарында кандайча пайда болгону белгисиз. Бул боюнча чек арачыларда да, бажычыларда да эч кандай маалымат жок.

Расмий статистика боюнча Тажикстанда коронавирус жуктургандар 11 054 кишиге жетти. Алардын 10 283ү айыгып, 82 бейтап каза болду.

WWW