699 Бардыгы /

БАТКЕН. Тажик жарандары ээнбаштык кылышып, Баткендеги Үч-Төбө айылында жер алдынан кадимкидей суу түтүктөрүн өткөрүп жатышканда, Кыргыз чек арачылары байкап калышып, бул мыйзамсыз аракетти дароо токтотууну абдан катуу талап кылышкан. Бирок, Тажик тарап улам-улам кайым айтышкандыктан, Кыргыз чекарчылары асманга эскертүү иретинде ок дагы атышкан.

• Эки тараптуу сүйлөшүүлөрдүн кийин гана Тажикстандын

жарандары такталбаган чек ара тилкесинде орнотуп жатышкан суу түтүктөрүн          демонтаж кыла (жыйыштыра) башташты, – деди Кыргыз Республикасынын Мамлекеттик Чекара кызматынын төрагасынын биринчи орун басары Абдыкарим Алимбаев. – Ушул тапта Чек арага канатташ аймактын калкын коргоого жана мамлекеттик чек аранын бардык тилкелеринде чыр-чатактардын алдын алууга багытталган чараларды көрүп жатабыз. Кыргыз-Тажик мамлекеттик чек ара тилкесинин Үч-Дөбө тилкесинде кырдаал азырынча туруктуу.

Айтмакчы, акыркы сааттарда Тажик жарандары Баткен облусунун Үч-Дөбө айылынан чек ара аркылуу жералдынан суу түтүктөрүн өткөрө баштаганда, Кыргыз чек арачылары тактала элек аймактагы бул иштитоктотууну талап кылышкан. Тилекке каршы, Тажик тарап баш ийбей кайым айтышканда, эскертүү иретиндеасманга ок дагы атылган. Ошондон кийин гана түтүк өткөрүү жараяны дароо токтотулуп, эки өлкөнүн Чек аракызматынын өкүлдөрү акыры өз ара сүйлөшүүнү башташкан.

Алишер ТОКСОНБАЕВ “АЙМАК”