696 Бардыгы /

Өткөн жумадан тарта Сузак районундагы жума мечиттер жана мал базарлар ишин жандантты. Жергиликтүү штаб тарабынан кабыл алынган чечимге ылайык, мында оору жугуу тобокелчилигин азайтуу максатында беткап менен санитардык талаптарды сактоого өзгөчө көңүл бурулат.

Жума намаз окулуучу мечиттерде аралык сакталып, убакыт кыскартылган. Аны менен катар район борборундагы жума сайын өтүүчү базарлар да иштеп баштады. Аларга жергиликтүү бийлик жана күч түзүмдөрүнүн кызматкерлери көзөмөл жүргүзөт. Убактылуу чектөөлөрдү жоюу тургундардын кыш камылгаларын көрүү боюнча кайрылууларынын негизинде кабыл алынган.

Сузак районунда эки жума, бир мал базар жана 47 жума намаз окулуучу мечиттер бар.

“АЙМАК”