744 Бардыгы /

Кашкадарыя облусунун Яккабаг районунда электр энергиясы үч күнгө өчүрүлгөндөн кийин жергиликтүү ишкердин 5 200 тоогу өлүп калды. Бул тууралуу блогер Хусан Комилжонов социалдык түйүндөр аркылуу билдирди.

Анын айтымында, ишкер Абдунаби Гиясов бийликке кайрылгандан кийин электр жарыгы берилип, районго киргизилген чектөөлөр алынган.

22-ноябрда Гиясов «Дарё» басылмасына өлгөн тоокторунун саны 6 миңге жеткенин билдирди. Анын айтымында, жарык 18-20-ноябрь күндөрү өчүрүлгөн.

Troll.uz Telegram-каналынын маалыматына караганда, электр энергиясын берүүдөгү чектөөлөрдөн улам Самарканд облусунун Каттакурган районунда ишкердин күнөсканадагы көчөттөрү толук үшүп кетип, ал 35 миң доллар чыгым тарткан.

Мындан тышкары социалдык түйүн колдонуучулары Ташкент облусунун Ташкент районунда да электр энергиясы өчүрүлгөнүн сынга алышууда.

Өлкөнүн Энергетика министрлиги электр энергиясын берүүдөгү мүчүлүштүктөргө сууктун түшүшү менен ага болгон суроо-талаптын кескин өсүп кеткени себеп болгонун билдирди.

WWW