1,503 Бардыгы /

БИШКЕК. Кыргызстандын булуң-бурчунан келишкен 700 окуучу менен жарышка чыккан 2020-жылкы Америка ыр сынагынын жеңүүүчүлөрү Билим берүү министрлигинин кызматкери, чебер ырчы Мирбек Атабеков, америкалык Хэнхаус Праулэрз тобунун аткаруучусу Бэн Райт жана АКШ Элчилигинин кызматкеринен түзүлгөн каплыстар тобу тарабынан YouTube түз эфиринде аныкталышты.

Ошентип, Кыргыз кызы Нурайым Нургазиева университеттер арасындагы сынактын баш байгесине татыды. Ал Токмоктогу Борбоо Азия Эл аралык Университетинин 2-курсунун студенти,  “I Got You (I Feel Good)” Джеймс Браундун ырын аткарды.

– Мен бул кереметке дагы эле ишене албай жатам. Сөз менен бардык эмоцияларымды билдирүү өтө кыйын, – деп агынан жарылды Кыргыз кызы Нурайым Нургазиева. – Америка ыр 2020 сынагын жеңип сахнага чыгуу мен үчүн ишенилгис мүмкүнчүлүк! Сынак уюштуруучуларына жана мени колдогон бардык адамдарга терең ыраазычылыгымды билдирем. Бир нерсе айтаар элем: жаңы ишке аттануудан эч качан коркпоңуздар? Жана ар дайым кыялдарыңызды көздөңүздөр?!?

Ошондой эле университеттер арасындагы сынакта экинчи орунду ээлеген Айзана Усупбаева Бишкек шаарындагы Борбордук Азиядагы Америка университетинин 2-курсунун окуучусу Алисия Кейстин “Fallin” аттуу ырын аткарды жана жеңиши тууралуу төиөнкүлөрдү ачыктады: – Менин атым аталганда мен бактылуулуктун жеткен чегине жеттим. Америка ыр сынагына катышканыма абдан кубанып жатам. Анткени, менин музыкалык карьерам үчүн табылгыс тажрыйба тартуулады. Бул сынактын таланттууларга өздөрүн толук кандуу көрсөтүүгө соң мүмкүнчүлүк жаратышы дагы да уланышын каалаймын!

Сынактын дагы бир катшучусу Изат Замирбек кызы минтет: – үчүнчү орунду ээлегениме абдан бактылуумун! Мени азыр эмоцияларым каптап жатат. Бул мүмкүнчүлүктү тартуулагандыктары үчүн уюштуруучуларга терең ыраазычылыгымды гана билдирем!

Айтмакчы, Изат Замирбек кызы – Токмоктогу Борбордук Азиядагы Эл аралык Университетинин 4-курстун студенти. Ал Элвис Преслинин “Jailhouse Rock” аттуу ырын аткарды.

         Ал эми мектептер арасындагы сынакта 1-орунду ээлеген Айдана Нурланова – Бишкектеги 29-гимназия мектебинин 11-класстын окуучусу. Ал Фрэнк Синатранын “Fly Me to the Moon” аттуу ырын иңнине жеткире аткарды.  Жеңишке жеткени тууралуу эшиткенде Айдана: – Бул ыр сынагында катышуу мен үчүн чоң мүмкүнчүлүк эле. Ырдап жатканымда өзүмдү чыныгы ырчы сездим. Абдан бактылуумун! – деп кашкайган чындыкты моюндады.

Мындан тышкары Нарын шаарынын Чкалов атындагы 2-мектептин 11-класстын окуучусу Уланса Төлөбек кызы “This is Me” аттуу ыр менен 2-орунду ээледи. Үчүнчү орунду Нарын шаарынын Чкалов атындагы 2-мектептин 11-класстын окуучусу Айжамал Мукашова камсыз этти. Ал Фрэнки Валлинин “Can’t Take My Eyes off You” аттуу ырын ийнине жеткире аткарды.

Баса, 2014-жылдан тартып АКШ элчилиги жыл сайын Sun People уюму менен биргеликте Америка ыр сынагын такай уюштуруп келатат. Бул сынак АКШлык чеберлердин ырларын аткаруу аркылуу жогорку окуу жайлар жана орто мектеп окуучуларынын англис тил шыгын ого бетер өөрчүтүүгө, Кошмо Штаттарынын өгөрчүлүгү жана маданияты жөнүндө көбүрөөк маалымат алууларына гана шарт жаратат.

Бул жылдын сынагы аткаруучу окуучулардын ырларын видео түрүндө көрсөткөн алгачкы виртуалдык форматта өткөн сынак сыңары эсте калды. Катышуучуларды, калыстар тобун жана техникалык жамаатты пандемиядан коргоо максатында катышуучулар ырларын жогорку сапаттагы видео форматта жаздырышкан. Анан аларды калыстар тобуна жана Кыргыз Республикасынын булуң-бурчундагы катышуучулары үчүн атайылап өз-өзүнчө көрсөтүшкөн. Калыстар тобу Кыргыз Республикасынын жана АКШнын ар кайсы жеринен Интернет аркылуу катышуучулардын аткарууларын талдап көрүп, калыс гана баа беришти. 2020-жылкы Америка ыр сынагынын жаздырылган тасмасы Америка ыр сынагынын YouTube каналында дагы бар.  

WWW