1,284 Бардыгы /

Тажикстандагы белгилүү “Азия-плюс” көз карандысыз маалымат агенттиги мамлекеттик гезит-журнал комплексиндеги кеңсесин бошотуу жөнүндө эскертүү алды.

Агенттик биринчи кабаттан ушул эле имараттын он үчүнчү кабатына көчүрүлөт. Ал жакта акыркы жолу совет мезгилинде ремонт жасалган. 

“Азия-плюс” агенттигинин аткаруучу директору Искандар Икроминин айтымында, алар бул имаратка 14 жыл мурун келишкен. 2006-жылы бул жер кароосуз калган мончо болгон. “Азия-плюс” өз убагында ижара жана коммуналдык кызмат акыларын төлөп турган. Агенттиктин акчасына кеңседе жакшы ремонт жасалган.

Комплекстин администрациясы сунуштаган жерде телекөрсөтүү жана радиоуктуруу үчүн студияларды жасап, жабдууларды орнотуу үчүн көп убакыт жана каражат талап кылынат.

“Эгер ал жакка көчсөк туруктуу электр кубаты менен камсыздоо эң негизги маселе болот. Башкы имаратта жарык үзгүлтүккө учурап турат, ал болсо биздин ишибизге таасирин тийгизет”, – деди Искандар Икроми.

Комплекстин администрациясы агенттиктен ижара акысы жеңилдетилген шартта алынарын билдирди.

WWW