1,221 Бардыгы /

32 жаштагы Нурбек Жоошбаев Таш-Көмүр шаардык билим берүү бөлүмүнүн башчысы болуп дайындалды.

Белгилүү болгондой, ал билим берүү тармагында 14 жылдан бери эмгектенип келе жатат. Н.Жоошбаев 1988-жылы Шамалды-Сай шаарчасында төрөлгөн. 2004-жылы Таш-Көмүр шаарындагы азыркы Кенжалы Осмонкулов атындагы орто мектебин аяктаган. 2004-2007-жылдары Ноокен районундагы №108 кесиптик лицейдин айыл чарба өндүрүшүнүн устаты адистиги боюнча күндүзгү бөлүмүн, 2007-2013-жылдары Жалал-Абад мамлекеттик университетин аяктаган. Адистиги тарых мугалими.

Эмгек жолун 2006-жылы Таш-Көмүр шаарындагы Кенжалы Осмонкулов атындагы орто мектебинде мугалими болуп иштөөдөн баштаган. 2010-2013-жылдары аталган мектепте тарбия иштери боюнча директордун орун басары, 2013-2014-жылдары Таш-Көмүр шаардык билим берүү бөлүмүндө жетектөөчү адис кызматын аркалаган. 2015-2016-жылдары Таш-Көмүр шаарына караштуу М.Темирбаев атындагы жалпы билим берүүчү орто мектебинин директору кызматын аркалап, 2016-жылы Таш-Көмүр шаардык билим берүү бөлүмүнүн алдындагы окуу-усулдук кабинеттин башчысы болуп эмгектенген.

2017-2019-жылдары Таш-Көмүр шаарындагы Кенжалы Осмонкулов атындагы орто мектебинде окуу тарбия иштери боюнча директордун орун басары, 2019-жылдын 17-декабрынан 2020-жылдын 26-ноябрына чейин А.Пушкин атындагы жалпы билим берүүчү орто мектебинин директору кызматын аркалаган.

Үй-бүлөлүү, 1 кыз, 1 уулдун атасы.