960 Бардыгы /

Тажикстанда Гиссара шаардык соту Социал-демократиялык партиянын төрагасынын орун басары, оппозициячыл саясатчы Махмурод Одинаевди эки айга камоо тууралуу өкүм чыгарды.

Партиянын лидери Рахматилло Зойиров «Озоди» радиосуна анын адвокаты болбогонун, мындан улам саясатчынын укугу сакталып-сакталбаганы ага беймаалым экенин айтты.

Күн мурун өлкөнүн Башкы прокуратурасы Махмурод Одинаев 5-декабрда бейбаштыкка айыпталып кармалганын билдирген. Бирок саясатчынын тарапташтары анын камалашынын саясий өңүтү бар экенин айтып жатышат.

Прокуратуранын билдирүүсүндө 2020-жылы 29-октябрда Махмурод Одинаев мурдагы аялы Мехрнигор Ризоева жана уулу Хабибулло Одинаев менен Гиссар шаардык аскер комиссариатына келип, уулу негизсиз түрдө аскерге чакырылганын билдирип, коомдук тартипти бузганы, бийлик өкүлдөрүн коркутуп-үркүткөнү айтылат.

Бул факты боюнча 20-ноябрда Махмурод Одинаеваге карата «Бейбаштык» беренеси боюнча кылмыш иши козголгон. Ал күнөөлүү деп табылса 116 миң сомони (10 200 доллар) айып пул төлөп же беш жылга чейин эркинен ажыратылышы мүмкүн.

Ага чейин министрлик саясатчынын уулуна каршы «Бейбаштык» беренеси боюнча кылмыш ишин козгогон. Мекеменин маалыматына караганда, Ризоев мас абалында шаардагы ресторандардын биринин жанында 18 жаштагы кызды сабаган.

Быйыл октябрда Одинаев белгисиз адамдар уулуна кол салганын айтып чыккан. «Бийлик мындай жол менен мени жана мага окшогон бийликти сындап жүргөндөрдү коркуткусу, саясий ишмердүүлүгүбүздү токтоткусу келип жатат», – деген ал.

Махмурод Одинаев 16-ноябрда азык-түлүктүн кымбатташына каршы митинг өткөрүүгө уруксат берүү тууралуу өтүнүч менен Душанбе шаарынын мэриясына кайрылгандан бери дайыны чыкпай жаткан.

Өткөн жумада ал «эркиндикте экенин, бирок кармап кетишет деп кооптонуп жатканын » билдирген.

Махмурод Одинаев көп жылдар бою соттолгондордун укугун коргоо менен алектенген. Акыркы мезгилде Социал-демократиялык партиянын башчысынын орун басары болгон. Саясачы Тажикстандын укук коргоо органдарынын ишин кескин сынга алып келген.

WWWW