843 Бардыгы /

БАТКЕН. Мамлекеттик Чек ара кызматына караштуу Лейлек чек ара отрядынын чек арачылары Тажикстан жараны Т.М.башкарып бараткан шектүү Мерседес-Бенц автоунаасын токтотушканда, анын ичинен коңшу мамлекетке мыйзамсыз ташылып бараткан үч тонна күйүүчү майды табышты.

Маалыматка таянсак, Тажик жараны Кыргызстандан коңшу өлкөгө үч тонна күйүүчү майды (дизтопливо) эч кандай документсиз эле чек ара көзөмөл бекетин кыйгап, мыйзамсыз ташып бараткандыгы айкындалды.

Тажик жараны Т. М. нын үстүнөн тиешелүү документтер толтурулгандан кийин бардык материалдар тиешелүү чараларды көрүү максатында жергиликтүү укук коргоо органдарына өткөрүлүп берилди.

Алишер ТОКСОНБАЕВ “АЙМАК”