858 Бардыгы /

Өкмөттүн Жалал-Абад облусундагы ыйгарым укуктуу өкүлү Абсаттар Сыргабаев Ала-Бука, Чаткал эли жана тоо кен тармагындагы компаниялардын өкүлдөрү менен жолукту.

Ага КРнын Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбайев, областтык укук коргоо органдарынын жетекчилери да катышты.

Адегенде, Ала-Бука районуна караштуу Көк-Таш, Көк-Серек айыл аймагынын тургундары бийлик өкүлдөрүнө өз көйгөйлөрүн ортого салышты. Алар Бозумчак кенин иштеткен “KAZ Minerals Bozymchak”  ЖЧКсын экологиялык талаптарды бузуп жатканын, кендеги жумушчулардын 70 пайызын жергиликтүүлөр түзүшү керектигин айтышты. Ошондой эле аталган компанияда коомчулук менен иш алып барган кызматкердин жумуштан четтетүү талабын коюшту. Ал эми ыйгарым укуктуу өкүл ырасында жумушчулардын көпчүлүк пайызын район тургундарын түзөөрүн, экологиялык эрежелердин сакталуусуна бийлик да кызыктар экенин белгиледи.

-Экологиялык талаптарды бардык компаниялар сактоого тийиш.Ошол эле учурда тоо кен иштетип жаткан компаниялардын иштөөлөрүнө эч ким тоскоолдук жаратпашы керек. Жергиликтүү эл менен инвесторлор ынтымакта иштөөсү менен бардык маселелерди чечүүгө болот,-деди ал.

Белгилүү болгондой, октябрь айынын башынан бери ишин убактылуу токтоткон бул компания жакынкы күндөрү жумушу  кайрадан жанданаарын айтышты.

Облус башчысы иш сапарынын алкагында райондогу октябрь айындагы чыккан өрттөн улам фабрикасы өрттөнгөн Иштамберди кениндеги “Фул Голд Майнинг” компаниясына да барды. Мындагы жайда фабриканы калыбына келтирүү кадамы жандана баштаган. Аталган мекеме жетекчилиги фабрика калыбына келсе эле жумушсуз олтургандар ишке чыгаарын белгилешти.

Сүйлөшүүлөрдүн алкагында Чаткал районунун Терек-Сай айылындагы “Эти Бакыр Терексай” тоо-кен компаниясында иш жанданган. Район эли да бир катар көйгөйлөрдү көтөрүшүп, облус башчы калктын суроолоруна жооп берди.