903 Бардыгы /

Жалал-Абад шаардык комитети, жаштар иштери боюнча дене-тарбия жана спорт комитетине биригүүсү мүмкүн.

Жалал-Абад шаардык мэриясынын астында түзүлгөн жаштар комитети жоюлуусу мүмкүн экендиги жөнүндө маалыматтар тараган, бирок бул боюнча маалыматты шаардын вице-мэри түгүндөдү. Анын айтымында жаштар комитети эч кайда жоюлбайт, жөн гана спорт комитетине биригүүсү мүмкүн экендигин билдирди.

“Жалал-Абад жаштар комитети жоюлду деген сөз чындыкка дал келбейт, биз божомолдоп жатабыз өзүнөргө маалым болгондой өкмөттүн токтомунун долбоору чыгып жатат, ошонун негизинде спорт комитетинин штаты, мериянын штатына олтурат. Ошону менен спорт комитети менен жаштар комитети биригип калат. Учурда өкмөттүн токтомун күтүп жатабыз, токтом чыкса эки агенттикти бириктиребиз”,-дейт Руслан Алтымышев.

Эске сала кетсек ушул күнгө чейин спорт комитетинде 3 адам, жаштар комитетинде болсо 2 эки адам иштейт болчу, эгер долбоор күчүнө кирсе канча адам иштеп, канча адам иштен четтетилээри белгисиз. Ал эми Жаштар комитетине төрагалык кызматына сынак жарыялаган болчу, жаңы долбоор башталганына байланыштуу, сынак убактылуу токтотулду.

Байканбек САДЫКОВ “АЙМАК”