810 Бардыгы /

Сузакта айылдашына бычак сайгануюшкан кылмыштуу топтун мүчөсү кармалды. Бул тууралу Жалал-Абад ОИИБдин Басма сөз кызматынан билдирди.

2020-жылдын 30-декабрь күнү саат 14:00 чамаларда Сузак РИИБдин нөөмөт бөлүмүнө райондук ооруканадан 1983-ж.т.Т.Б. оң жак көкүрөгүнө учтуу нерседен жараат алып, жандандыруу бөлүмүнө жаткырылгандыгы билдирилген. Сузак РИИБдин тергөө-ыкчам тобу окуя болгон жерге чыгышып, кароо жүргүзүлүп, тиешелүү материалдар чогултулган.

Бул факты боюнча топтолгон материалдар ошол эле күнү Сузак РИИБдин КЖБРне КРнын Жазык кодексинин 266-беренеси (Ээнбаштык) менен катталып, сотко чейинки өндүрүш иши ачылган.

Аталган фактынын бетин ачуу максатында Сузак РИИБдин Криминалдык милиция кызматынын кызматкерлери тарабынан жүргүзүлгөн ыкчам-иликтөө иштеринин натыйжасында жабырлануучунун айылдашы, мурда бир нече жолу соттолгон, КРнын ИИМде уюшкан кылмыштуу топтун мүчөсү катары каттоодо турган, “Пакыр Калла” каймана аттуу Сузак районунун 1975-ж.т. тургуну Б.Б. кармалып, убактылуу кармоочу жайга киргизилген.

Учурда аталган сотко чейинки өндүрүш ишинин алкаганда тергөө иштери уланууда.

Байканбек САДЫКОВ “АЙМАК”