1,041 Бардыгы /

Майлуу-Суу ШИИБдин кызматкерлери тарабынаншаардык мэрия,билим берүү жана социалдык өнүгүү бөлүмдөрүнүн өкүлдөрү менен биргеликте мектептерде кылмыштуулуктун алдын алуу багытында түшүндүрүү иштери жүргүзүлүүдө.  Бул тууралуу Жалал-Абад ОИИБдин Басма сөз кызматынан билдиришти.

  Маалыматта айтылгандай, ШИИБдин жашы жете электер менен иштөө инспекциясынын кызматкерлери өспүрүмдөрдү кылмыштуулуктан, ар түрдүү кырсыктардан алыс болууга үндөштү. Аларды кышкы суук мезгилдерде түнкү убакыттарда себепсиз көчөгө чыкпоого жана жол эрежелерин так сактоого чакырышты.

Ошондой эле коронавируска каршы түшүндүрүү иштери жүргүзүлүп, окуучуларга санитардык нормаларды сактоо зарылдыгы эскертилди. Байканбек САДЫКОВ “АЙМАК”