990 Бардыгы /

БИШКЕК. Кытай тараптын демилгесине ылайык ай жылнаамасы боюнча жаңы жылды майрамдоого байланыштуу Мамлекеттик чек аранын Кыргыз-Кытай тилкесиндеги “Торугарт – унаа жолу”, “Эркечтам – унаа жолу” чек ара өткөрүү бекеттери транспорт каражаттарын жана жүктөрдү өткөрүүгө убактылуу жабылат. Бул тууралуу УКМКнын Чек ара кызматынын коомчулук жана ЖМК менен байланыш бөлүмүнөн билдиришти.

“Торугарт – унаа жолу” чек ара өткөрүү бекети 2021-жылы 11-февралда убактылуу жабылып, 2021-жылы 15-февралда кайра калыбына келтирилет. Ал эми “Эркечтам – унаа жолу” чек ара өткөрүү бекети ңстңбңздөгү жылдын 12-февралынан тартып 16-февралына дейре убактылуу жабылат.

Эске сала кетчү жагдай: “Торугарт – унаа жолу” жана “Эркечтам – унаа жолу” чек ара өткөрүү бекеттери Кытайдан (КЭРден) Кыргызстанга товарларды алып өтүүгө гана уруксат берген өзгөчө алгоритм боюнча гана иштеп турат.

Алишер ТОКСОНБАЕВ “АЙМАК”