3,177 Бардыгы /

Бүгүн 8-мартта коомдук, саясий ишмер, “Ата Журт” партиясынын лидери Камчыбек Ташиев Жалал-Абад шаарында партиялаштары Жалал-Абад шаардык кеңештин депутататтары менен бирге Сузак районунун жана Жалал-Абад шаарынын Баатыр энелерине салт болуп калган майрамдык сый уюштуруп берди. Сыйга баардыгы болуп 700гө жакын аял катышып, аларга К. Ташиев куттуктоо сөзүн айтып, он бала төрөгөн энеси Алима апасынын мээрими, боорукер мамилеси бүтүндөй энелерди сыйлоого, ардактоого тарбиялаганын айтып, энелерден мен ар дайым эне сүтүнүн ууз жытын сезип турам деп энелерге ыраазылыгын айтты. Кыргызстандын бакубат турмуш үчүн, бейпилдиги, тынчтыгы үчүн энелердин салымы зор экенин айтып, өткөн жылы камакта жатканда энелер өз баласындай күйүп, ысык-суук, ачкачылыкка карабай ден соолугун тобокелге салышып акыйкат үчүн күрөшкөн энелерге таазим кылды. Баатыр энелерди Жалал-Абад шаардык кеңештин төрагасы Мураталы Тагаев, 7-каналдын жетекчиси Алтынбек Жумаев куттуктап, үй-бүлөлүк бакты таалай каалады.
А.Жумаев мындай көп апаларды чогултуу иш-чарасын К.Ташиевден башка жогорку деңгээлде бир да саясатчы, ал турсун Президент да өткөрө электигин айтты.
Энелер ыраазылыгын билдирип, батасын беришти.

Орозалы Карасартов,”Аймак”