960 Бардыгы /

ЖАЛАЛ-АБАД. Жалал-Абад шаарында Ооган согушунда курман болгондор эскерилди. Ага шаардык кеңештин төрагасы Адилбек Жоробаев, вице-мэр Руслан Алтымышев, Ооган ардагерлер кеңешинин мүчөлөрү, мекеме-ишканалардын жетекчилери жана тургундар катышты.

Эскерүү иш-чарасында апаатта курман болгондорго арнап тургузулган эстеликке гүлчамбар коюлуп, каза болгондорго багышталып куран окулду. Андан сырткары студенттер тарабынан эскерүү ырлары айтылды.

Эске салсак, Ооганстандагы согушка Жалал-Абад шаарынан 100дөн ашуун жоокер аттанып, алардын экөө согуш талаасында курман болгон. Учурда калаада 82 ардагер бар. Аларга республикалык бюджеттен ай сайын 6000 сомдон берилет. Ал эми шаар казынасынан жылына бир ирет 2000 сомдон бөлүнөт.

Быйыл Советтик аскерлердин Ооган Республикасынан чыгарылгандыгына 32 жыл болду.

“АЙМАК”