741 Бардыгы /

ЖАЛАЛ-АБАД. Бүгүн 25-февраль күнү Жалал-Абад мамлекеттик университетинин Жалал-Абад колледжи менен биргеликте жумуш берүүчүлөрдүн ортосундагы маморандумга кол коюу аземи болуп өттү. Аталган иш чарага өкүлчүлүктүн апарат жетекчиси, мериянын апарат жетекчиси, Базар-Коргон шаарындагы кесиптик лицей директору жана иш кана жетекчилер катышышты.

Кол коюудан башкы максат-эмгек рыногунун талаптарына жооп берген кесипкөй кадрларды даярдоо, кесиптик билим берүүнү өнүктүрүү, өндүрүштөрдө окутууну киргизүү, мугалимдерди кесиптик чеберчиликке үйрөтүү, бүтүрүүчүлөрдү  сапаттуу жумушка тартуу башкы максаттардын бири болуп саналат.

“Жалал-Абад колледжинде Азия өнүктүрүү банкынын чоң долбоору иштеп жатат. Долбоор секторду өнүктүрүү инклюзивдик билим берүү деп аталат. Бул боюнча аталган колледж 1 000 000 доллар жеңип алган. Ошонун алкагында түрдүү иш чаралар болуп келе жатат. Колледжге оңдоо иштери, студенттердин жатаканасын оңдоо иштери жүргүзүлөт. 4 адистиктерди окутуу үчүн атайы каражаттар келет, жабдуулар менен биргеликте, ошону менен бирге “Алдынкы тажрыйба борбору”,-деген наам алдык. Ал 152 колледжин ичинде 8 колледжге берилди. Алардын катарында болуп, башка колледждерге үлгү боло турган шарт түзүлүп жатат”,-деди Жалал-Абад колледжинин директору Бариса Турдубаева.

Эске сала кетсек Жалал-Абад колледжинде 22 адистикти окутууга лицензиясы бар болсо учурда, 19 адистикти окутуп жатышат. Азыркы учурда жаштардын көпчүлүгү аталган колледжге моделдөө конструктор (тигүүчү), IT (программист), электр энергиясын колдонуу, автоэлектр тармакмактарына окууга тапшырышат.

“Биз кандай өндүрүш экендигин көрүп жатабыз. Учурда көп жерде орто кесип ээлери танкыс болуп жатат. Себеп дегенде азыркы жаштардын көпчүлүгү жогорку окуу жайларга тапшырышат. Баарыбызга белгилүү юрист тармагында билим алышып, алган дипломдору чаң басып жатат, өздөрү мигрант болуп, чет өлкөдө иштеп жатышкандар арбын. Жалал-Абад колледжинин чыгарып жаткан адистерине биздин өндүрүш аябай муктаж”,-деди Кыргызтелеком АКнун Жалал-Абад облустук филиалынын ген.директорунун орун басары Эгемкул Сабырканов.

Аталган иш чаранын жүрүшүндө Жалал-Абад колледжинин студенттери өздөрү колдору менен тишкен кийимдерги көрсөтүштү. Аны менен бирге долбоор аркылуу тигүүчүлүккө 5 цех алынып келинген. Алдыда жеңил өнөр жай аркылуу иш алып барылып, тигилген өндүрүмдөрдү сатууга чыгаруулары пландалып жатканын маалым болду. Аталган колледж негизги 6 багытта иш алып барат.

Байканбек САДЫКОВ “АЙМАК”