1,059 Бардыгы /

ОШ. Кара-Суу районунда мал уурулук менен гана алектенген атайын топ кармалды. Бул тууралуу Ошоблустук ички иштер башкармалыгынын басма сөз кызматы билдирүү таратты.

Анда маалымдалгандай, үстүбүздөгү жылдын 20-февраль күнү Кара-Суу районунун Шарк Айыл Өкмөтүнүн 54 жаштагы тургунунун эки баш коюн белгисиз жарандар уурдап кетишкен. Ыкчам иликтөөнүн натыйжасында аталган кылмышка шектелип Кара-Суу районунун Ак-Таш Айыл Өкмөтүнүн 34 жаштагы, Гайрат айылынын 30 жаштагы жана Ош шаарынын 26 жаштагы, Базар-Коргон районунун Акман айылынын 37 жаштагы тургуну кармалышты. Кармалган жарандар Кара-Суу РИИБинин убактылуу кармоо жайына киргизилди.

Баса, аталган кылмыштуу топ тарабынан Өзгөн районунун аймагынан мал уурулук боюнча эки факт, Кара-Суу районунун аймагында беш мал уурулук, Ош шаарынын аймагында бир турак жайга кирип уурулук кылышкан. Келтирилген чыгым жалпысынан 200 миӊ сомдон ашуун деп эсептелүүдө.

Алишер ТОКСОНБАЕВ “АЙМАК”