1,653 Бардыгы /

ЖАЛАЛ-АБАД. Бүгүн Жалал-Абад шаарынын борбордук аянтында мамлекеттик туу күнү белгиленди. Ага облустун ыйгарым укуктуу өкүлү, шаары мэри жана жергиликтүү мекеме иш кананын жетекчилери катышышты.

Кыргызстандын мамлекеттик туу күнүнүн 29-жылдыгына арналган майрамдык иш чара мамлекеттик гимин менен башталды. Аны менен катар туу Кыргызстан Республикасынын Жогорку Советинин 1992-жылдын 3-мартындагы токтому менен бекитилген. Өлкө туусунун авторлору Э. Айдарбеков, Б. Жайчыбеков, С. Иптаров, Ж. Матаев, М. Сыдыковдор болушканды эскертилди.

“Көз карандысыз өлкөбүздүн атрибуттарынын бири болгон туу – өлкөбүздүн эгемендүүлүгүнүн, патриоттуулуктун жана мекенге болгон сүйүүнүн символу. Ата-бабаларыбыз канын төгүп, эркиндиктин желегин желбиретип кеткен. Ал эми биз туубуз түбөлүк бийиктикте желбиреп, Кыргызстаныбыз өнүккөн өлкөлөрдүн катарын толукташына салым кошуубуз зарыл.

Баарыбиз бир туунун алдында ынтымакта, бакубат жашоо кечирели! Ар бириңиздерге амандык жана жетишкендиктерди каалайм!”,-деди каала мэри Э.Ормоков

Облустук жаштар кеңешинин төрагасы Алмаз Дүйшөбаевдин айтымында: “Азыркы жаштар тууну, өлкө желегин башка мамлекеттерде сыймыктануу менен алып жүрөт. Мисалга алсак мигрант болуп иштеп жүргөн ар бир инсан, тууну жанына алып жүрөт, башка өлкөдө болсо да өлкөбүз желегин желбиретип сүрөткө түшкөндүгү менен сыймыктанат.

Ошол эле учурда жаштардын туубузду чаң болчу жерлерге коюусу, унаанын алдынкы тарабына жармаштырып алуусу туура эмес деп эсептейм”,-деди ал.