1,125 Бардыгы /

ЖАЛАЛ-АБАД. Ала-Бука райондук ички иштер бөлүмүнүн кызматкерлери милициянын көчмө кабылдама унаасы менен айыл аймактарды кыдырышып, жергиликтүү тургундардын кайрылууларын кабыл алышууда.

Алар айыл элинин район борборуна барып билдирүүсү керек болгон ар түрдүү мазмундагы арыз-даттанууларын жана сунуштарын жеринде угушууда. Бул унаа жыл башынан бери 8 жолу аймактарды кыдырууга чыгып, атуулдардын кайрылууларын кабыл алышып, тиешелүүсүн жеринде чечип, калгандарын башка органдарга жиберип келишет. Белгилей кетсек аталган унаа бул райондо 2021-жылдын январь айынан тартып ишке берилген.

Ал эми Ак-Там айыл аймагынын Кызыл-Ата айылында милициянын өткөн жыл ичинде аткарган жумуштары эл сынына коюлуп, эч кандай нааразычылыктар айтылган эмес.

Ошону менен катар РИИБдин өздүк курамы тарабынан жашоо-шарты оор үй-бүлөлөргө материалдык колдоо көрсөтүлдү. Ала-Бука РИИБдин начальниги, милициянын полковниги Райымбек Сулайманов жардамга муктаж жарандарга кайдыгер карабай,  район аймагындагы 2 үй-бүлөдөн кабар алып, аларга күнүмдүк керектелүүчү азык-түлүктөрдү тапшырды.

“АЙМАК”