1,407 Бардыгы /

Сиздерди 5-март – Ак калпак күнү менен Жалал-Абад шаардык мэриясынын жана жеке өзүмдүн атымдан чын дилимден куттуктайм!
Кыргызстанда ак калпак күнүнүн белгиленип келе жатканына быйыл 10 жылдын жүзү болду. Андан бери бул күндү жылуу маанайда тосуп алып, улуттук баш кийимибиздин кадыры өсүп, аны улам өсүп келе жаткан жаш муунга жеткирүүгө жакшы мүмкүнчүлүк жаралып келет.
Аталарыбыз жайкысын салкын, кышкысын жылуу болгон баш кийимибизди кастарлап кийип келген. Баш кийимди тебелендиде калтырбаган кыргыз калкы өзүнүн калпагын башка бирөөгө сатып же белекке да берген эмес. Бул улуттук баш кийимибизге болгон аяр мамилени билдирип турат.
Ар бир улут өзүнүн каада-салттары, үрп-адаттары жана улуттук кийимдери менен айырмаланып турат. Анын сыңарындай биздин аталарыбыздын ак калпагы, апаларыбыздын ак элечеги да кыргыз экенибизди айгинелейт. Биз кандай гана доордо жашабайлы, канча мезгил өтпөсүн өзүбүздүн улуттук кийимдерибизди унутпай кийип жүрүүбүз абзел.
Кыргызстандыктарга ачык асман жана бекем ден соолук каалайм! Ак калпагыңыздар баштан түшпөй, улуу элдин урпагы экенибизди унутпайлы.
Дагы бир жолу майрамыңыздар менен куттуктайм!

Эрнисбек Ормоков,
Жалал-Абад шаарынын мэри.

�����IB���ǎ������XMQ��7R4,