963 Бардыгы /

Үстүбүздөгү жылдын 22-мартында К.Ш. Токтомаматов атындагы Эл аралык университеттин (ЭАУ, Жалал-Абад ш.) чоң жыйындар залында “Капитал Банк” ААК кызматкерлери тарабынан “Өзүңдү жана акчаңды сакта” темасында ЭАУнун “Экономика” багыты, “Финансы жана кредит”, “Бухгалтердик эсеп, талдоо жана көзөмөл”, “Экономика жана ишканаларды башкаруу” профилдери боюнча студенттер үчүн, о.э. ЭАУнун Гуманитардык-экономикалык колледжинин, Эл аралык Кыргыз-Түрк колледжинин экономикалык адистиктери боюнча студенттери үчүн ачык лекция өткөрүлдү. Аталган лекция “Акчанын глобалдыкжумалыгы – 2021 Кыргызстанда”иш-чарасы алкагында өткөрүлдү. Лекцияны “Капитал Банк” ААК Жалал-Абаддагы филиалынын төмөнкү курамдагы адистери өткөрүштү, алар: филиалдын директоруА.П. Жолдошева, насыя секторунун башчысы М. Кантемир кызы жана акча амалдары бөлүмүнүн башчысы Т.М. Өсөров. Лекция жогорку деңгээлде жана уюшкандыкта өткөрүлүп, мазмуну боюнча абдан кызыктуу болду. “Капитал Банк” ААК кызматкерлерине ыраазычылык билдиребиз!

ЭАУнун Кесиптик багыт берүү жана

коомчулук менен байланыштар кызматы