1,467 Бардыгы /

БАТКЕН. Кыргыз Республикасынын Коргоо министрлиги тарабынан Баткен облусунун аймагында  уюштурулган “Коопсуздук-2021” жана “Калыптоо-2021” Биргелешкен командалык-штабдык жана мобилизациялык машыгуусу жыйынтыкталды.

Кыргыз Өкмөтүнүн Баткен облусундагы ыйгарым укуктуу Өкүлү Өмүрбек Субаналиев жана Кыргыз Республикасынын Куралдуу күчтөрүнүн Башкы Штабынын кризиске жооп кылуу борборунун башчысы  Алмаз Камалов машыгуунун жалпы  катышуучуларын иш-чаранын ийгиликтүү аякташы менен чын ыкластан куттуктап, айырмаланган бир катар кызматкерлерге аскердик окутууга жигердүү катышкандыгы, көрсөткөн кесипкөйлүгү, ошондой эле аскердик абал киргизилген шарттарда мамлекеттик органдардын өз ара аракеттешүүсүн уюштурууга кошкон зор салымы үчүн Коргоо министринин жана Кыргыз Өкмөтүнүн Баткен облусундагы ыйгарым укуктуу Өкүлүнун  атайын сыйлыктарын тапшырышты.

“Коопсуздук-2021”, “Калыптоо-2021” Биргелешкен командалык-штабдык жана мобилизациялык машыгуусуна эки миңге жакын  жарандар катышып, жүзгө чукл автоунаалар, брондолгон жана атайын аскердик техникалар, артиллериялык системалар, авиациялык техникалар дагы тартылды. Бул машыгуунун алкагында аймакка өзгөчө жана аскердик абал киргизилип, бул шарттарда аскердик жана мамлекеттик органдар  күжүрмөн даярдыктарын, ошондой эле аскердик чеберчиликтерин дагы көрсөтүштү.

Алишер ТОКСОНБАЕВ, өз кабарчы