1,713 Бардыгы /

Өткөндөн сабак албадык,

Өкүнүп бармак кармадык.

Компартиянын жел аргысы согуп турганда бүткүл дүйнө жүзүндө өнүүгүлөр, алга жылуулар болгондугун улуу,орто муундагылар,тарых деле төгүнчө чыгара албайт. Компартиянын идеологиясына сугарылып, бакубат жашоого умтулуп келгенибиз жалганбы?

“Партия”- доорубуздун акылык жана “ар-намысы” деген урмат менен күн кечирип келгенибиз беш манжадай бардыгыбызга, белгилүү.Жылан чакпай, жылкы теппей эле 1991-жылдын 17-18-август күндөрүндө  компартия менен биротоло кош айтышып, Чолпонбайдай “эрдик” көрсөткөнсүп,ураа, ураа.урлап чоң  жеңишке жетишкенсип компартиянын жаназасын массалык түрдө окудук бир балээден кутулгансып.Айрымдарыбыз партбилетте өчүбүз бардай өрттөдүк,колубузду түгүл бутубузду көтөрдүк, аныбызды эфир аркылуу элге байма-бай көрсөтүүдөн тажабадык, бир жагынан жадабадык. Бул эски заманды эңсөө эмес,өткөндөн сабак деген эле тилек. Бирок, учурда тилегибиз арасат болуп,ара жолдо калгандыгы нааразычылыкка дуушарлантып жатпайбы.                                                          

             Азыр Кыргызстанда 222 партия бар. Жылдан-жылга партиялардын саны артып,арыдан бери пайда болгон партиялар көбөйүп жаткандыгын эмне менен түшүдүрүүгө болот? Жети миллион калкы бар өлкөгө мынчалык көппартиянын кандай зарылчылыгы бар? Демоктария десе оозго келгенди оттоп, бийликти поктоп, көө жабууга багыт ала беребизби? Кеменгердин сөзүн укпай, тескерисинче жээрип, келесоону ээрчип жаткандыгыбыз накта чындык. Партия канчалык көбөйгөн сайын, ошончолук жакырчылк өсүп жатканын көрмөксөнгө салып койгонубуз жакшы жышаан, жөрөлгө эмес. Мамлекеттин, элдин эсебинен чардагандар, өөнөмөй илдетине чалдыккандар, мыйзамсыз жолдор менен байыгандар кембагалдарды, бей-бечараларды басынтып, үстөмдүк кылып… жатканына зээниң кейийт. 2010-жылкы Ош окуясында 470 адам каза болгондугуЮ 2000 ашуун үйлөр, социалдык обьектилер өрттөнгөндүгү  жалпыга маалым. Убактылуу өкмөттүн мүчөлөрү төштөрүн койгулап, актанып, бир жагынан бет тырмаачылык  кылып жатышкандыктары мыйзамга да , адамгерчиликке да,ыйманга да туура келбейт. Кандуу окуяга тиешеси барлар, эки элдин ортосуна от койгондор арабызда эле сыр бербей жүрүшпөйбү. Күнөөсү барларды жоопкерчиликке тартуу аракети байкалбай жатабы? Учурда бийик чечкиндүү кадамдарга багыт ала албай жаткандай таасир калтырат. Акты ак,караны кара деп калкка калыс чындыкты айтууга мезгил жетти. Мындай олуттуу маселени терең иликтеп, изилдеп күнөөгө шектүүлөрдүн мыйзамсыз аракеттерин,азгырыкка алдырганын далилдүү фактылар менен туткундап, күнөөлөрү аныкталса темир торго тыгып,айыпка жыгып, акмын деп догурунуп, өз башындагы төөнү көрбөй, өзгөнүн башындагы чымынды көргөн жангечтилерди, эл бузарларды аёого да, калкоолого да болбойт. Калайык калк учурда зарыга мына ошону күтүп турат. Бул маселени создуктурууга болбой тургандыгын дагы бир жолу эске салып койгубуз келет.

                                                           Р.Жумабеков     

                                                       14.04.21