831 Бардыгы /

     НЬЮ-ЙОРК. Бириккен Улуттар Уюму (БУУ) Баткенде эвакуацияланган жарандарга жардам көрсөтүү маселесин кароого даяр. Бул жөнүндө  Кыргыз Республикасынын БУУдагы туруктуу өкүлү Миргүл Молдоисаева Нью-Йорктогу БУУнун Баш катчысынын саясий иштер жана тынчтыкты куруу боюнча орун басары Розмари А.Дикарло менен жолугушуу учурунда айтылды.

Миргүл Молдоисаева Кыргызстан Баткен облусунда куралдуу кагылышуунун натыйжасында Кыргызс тандын 36 жараны, абулардын арасында балдар дагы курман болулкандыгын, 180ден ашуун адам түрдүү жаракат алгандыгын, 33 миңден ашуун киши жер которууга аргасыз болгондугун, жүздөгөн турак үйлөр, билим берүү жана инфратүзүмдүк объектилер талкаландыгын ачыктады. БУУнун чыр-чатактан жабыркагандарга гуманитардык жардам көрсөтүү, ошондой эле куралдуу кагылышуулар аймактарынан эвакуацияланган ички жер которгон адамдарга жардам көрсөтүү маселелерин сөзсүз карап чыгат. 

Баткен облусундагы Тажикстандын куралдуу кол салуусунан 33 миң жаран үйлөрдүн таштай качышкан эле.

КООМДУК ИШМЕР ОШ ШААРЫНЫН МЭРИНИН №343-Б БУЙРУГУ Н ЖОККО ЧЫГАРУУНУ ТАЛАП КЫЛУУДА

         ОШ. Ош шаарынын мэри Таалайбек Сарыбашовдун мыйзамсыз аракеттеринен жана чыныгы жоопкерчиликтен качуусунун кесепетинен   Ош шаардык мэриясынын 2020-жылдын 28-июлундагы  «Ош шаарынын вице-мэрлерине жана аппарат жетекчилигине кол коюу ыйгарым укугун берүү» жөнүндөгү №343-б буйругу  Кыргыз Республикасынын ченемдик укук актылар жөнүндө мыйзам талабына таптакыр шайкеш келбейт.      Бул туурасында коомдук ишмер Төлөгөн Келдибаев маалымдады.

         – Аталган  буйрукта Ош шаарынын мэриясынын аппаратындагы кадрдык алмашууларга байланыштуу Кыргыз Республикасынын «Ош шаарынын статусу жөнүндө» мыйзамынын 21-беренесинин 1-бөлүмүнүн 6-пунктун, «Жергиликтүү өз алдынча башкаруу» жөнүндөгү мыйзамдын 44-беренесинин 1-бөлүмүнүн 12-пунктун жетекчилике алып, Ош шаарынын мэриясынын  токтом жана буйруктарына кол коюу укуктары төрт вице –мэрге жана аппарат башчысына бөлүштүрүлгөн. Аталган буйрук өзү мыйзамсыз! Анткени, мэр колдонууга жатпаган беренелерди колдонгон. Ошогдуктан, Ош шаарынын мэри Таалайбек Сарыбашов бул катачылыктары үчүн жооп берүүнө тийиш! – деп чырылдады коомдук ишмер Төлөгөн Келдибаев.

         Тилекке каршы, коомдук ишмер Төлөгөн Келдибаевдин журтчулукка Кайрылуусуна жооп ката элек…

МКК КЫЗМАТКЕРЛЕРИ БАТКЕНДЕГИ ОКУЯЛАРДЫН КЕСЕПЕТИНЕН ДОКУМЕНТТЕРИН ЖОГОТУШКАН  ЖАРАНДАРГА АЛАРДЫ КАЛЫБЫНА КЕЛТИРҮҮГӨ КӨМӨКТӨШҮҮ ҮЧҮН ҮЙМӨ-ҮЙ КЫДЫРУУДА

БАТКЕН. Мамлекеттик каттоо кызматынын (МККнын) кызматкерлери Кыргыз-Тажик чек ара жаңжалынын кесепетинен документтерин жоготушкан жарандарга аларды кайрадан калыбына келтирүүгө көмөктөшүү максатында үймө-үй кыдыра баштады.

Ушул тапта жеринде эле документтерге муктаж жарандардын тизмелери түзүлүп жатат. Иш-аракеттердин алгоритми бир нече этаптан турат: жарандарды калктын бирдиктүү реестринин тутумунда тактоо, архивдик материалдар менен иштөө жана эң акыркысы жаранды документтештирүү. Баткен облусунун Лейлек районун айылдарын кыдыруунун соңунда көптөгөн жабырлануучулардын жанында документтери бар экендиги аныкталды. Бирок, документтерин жоготуп алган жарандар дагы бар экен.

Ушул тапта Баткен облусунун Лейлек районунун Максат айылына көчмө мобилдик топ тартылып, жабырлануучуларга жеринде документтерди даярдап берүү боюнча арыздарды кабыл алып жатышат. Жарандарды документтештирүү үчүн Мамлекеттик каттоо кызматынын аймактык: Баткен жана Лейлек райондорунун жана Сүлүктү шаарынын бөлүмдөрүнүн кызматкерлери тартылган. Жабыркаган жарандар Мамлекеттик каттоо кызматынын кызматкерлеринин эсебинен акысыз документтештирилет.

Алишер ТОКСОНБАЕВ

WWW.