993 Бардыгы /

4-майда Сурхандарыя облусунун Музрабат райондук сотундагы отурумда прокурор блогер Отабек Сатторини 11 жылга эркинен ажыратууну өтүндү.

Ал айыпталуучу күнөөсүн мойнуна албаганын жана жабырлануучуларга келтирилген чыгымды төлөп бербегенин белгилеп, бул иште жеңилдетүүчү жагдайлар болбошу керектигин билдирди.

Кийинки сот отуруму 10-майга белгиленди.

Telegram жана YouTube каналдары аркылуу «Эл пикири» деген видеоблог алып барган 40 жаштагы Саттори жергиликтүү бийлик өкүлдөрүн сындап жүргөнү менен белгилүү. Ал 30-январда Термез шаарында опузалап акча талап кылууга шек саналып кармалган. Марттын башында блогерге «Ушак таратуу» жана «Кемсинтүү» беренелери боюнча жаңы айыптар тагылганы кабарланган.

Буга чейин бир катар эл аралык уюмдар Отабек Сатторини эркиндикке чыгарууга чакырышкан. Алар блогерге каршы кылмыш иштери коррупциялык көрүнүштөрдү жашыруу максатында ойдон чыгарылган деп эсептешүүдө.

WWW.