888 Бардыгы /

Жалал-Абад

Облус башчысы Абсаттар Сыргабаев Улуу Ата Мекендик согуштун ардагери Сыргабай Төрөгелдиевден кабар алып, Жеңиштин 76 жылдыгы менен куттуктады.

Сузак районунун Кыз-Көл айыл аймагынын 98 жаштагы согуш ардагери Сыргабай Төрөгелдиев кан майданга 1944-жылы аттанып, Польша жана Белорусия өлкөлөрүндө кызмат өтөгөн. Согуш аяктагандан кийин да беш жыл Казан шаарын калыбына келтирүү жумуштарында жигердүү эмгектенген. Ал 1950-жылы мекенине кайтып келип, бир катар жооптуу кызматтарда эмгектенген. Үй-бүлө куруп, жубайы экөө он бир баланы тарбиялап өстүргөн. Азыркы учурда 4 кыз, 3 уулу бар.

Облус башчысы ардагерге өлкө президентинин куттуктоо сөзүн окуп берип, бүгүнкү тынч заманды курууда жан аябай душмандар менен салыгылашкан эмгеги эч качан унутулбасын айтты. Бул эрдиктин жана кайраттуулуктун бийик үлгүсү экенин кошумчалады.

Согуш каарманы Сыргабай Төрөгелдиев жашап турган үйү мындан 50 жыл мурда курулуп, азыркы учурда эскирип, кооптуу абалда эскенин айтты. Өкүл маселени көзөмөлүнө алаарын, жаңы турак жай курууга көмөктөшөөрүн билдирди.