840 Бардыгы /

БАТКЕН. Айыл, токой жана суу чарба министрлигине караштуу Өсүмдүктөрдү химизациялоо жана карантиндик коргоо департаменти Баткен облусунда зыянкеч чегирткелердин личинкаларын изилдөө иштерин жүргүзүштү.

Натыйжада Баткен облусу боюнча – 5 миң 500 га жер аянт изилденип, мунун арасынан – 4 миң 300 га аянт жерден чергирткенин уюгу табылып, химиялык дары-дармектерди колдонуу керектиги аныкталды. Ушул тапта 2 миң 700 гектар жер аянт химиялык иштетүүдөн өттү. Анын ичинен Лейлек районунда 900 гектар, Кадамжай районунда 1 миң 600 гектар, Баткен районунда 200 гектар  аянт микронер аппараттардын жардамы менен химиялык дары-дармектер колдонулду.

Зыяндуу чегирткелерге каршы жүргүзүлгөн химиялык иштөөдөн кийин Баткен аймактык бөлүмдөрүнүн адистери тарабынан биологиялык эффективдүүлүгүн текшерүү иштери дагы жүргүзүлдү. Ушул тапта чегирткелерге каршы күрөшүү иштери дагыле улантылууда.

Алишер ТОКСОНБАЕВ, өз кабарчы