879 Бардыгы /

Москвада Орусиянын Башкы чалгын башкармалыгынын (ГРУ) имаратына кол салуу аракети үчүн Тажикстандын беш жараны 9 жылдан 17 жылга чейинки мөөнөттөргө соттолду.

Аларга теракт даярдоо, террордук топ түзүү жана мыйзамсыз курал-жарак сатуу айыптары тагылган.

Тергөөнүн версиясына ылайык, соттолуучулар мессенджер аркылуу «Ислам мамлекети» террордук тобунун «тажик канатынын» башчысы Тожиддин Назаровдон (Абу Усама Нораки) теракт даярдоо боюнча тапшырмаларды алып турушкан.

“Коммерсант” басылмасы Орусиянын күч түзүмдөрүндөгү өз булактарына таянып, Назаров 2018-жылы тажикстандык мигранттарга ГРУнун Хорошевский шоссесиндеги кеңсесине кол салуу тапшырмасын бергенин, бирок планы ишке ашпай калгандан кийин шаар четинде коомдук транспорттордун бирин жардырууну буюрган.

«Интерфакс» маалымат агенттиги айыпталуучулар күнөөлөрүн моюндарына албаганын кабарлады. Сотто алардын бири бул иш ойдон чыгарылганын жана аларга жалаа жабылганын айтып кыйкырган.

Бул иш боюнча сот отурумдары жабык өтүп, иштин материалдары ачык жарыяланган жок.

WWW.