1,170 Бардыгы /

ЖАЛАЛ-АБАД. Бүгүн 2-июнь күнү Жалал-Абад шаарында  Көк-Арт маалымат борборунда  “Сапат  Эл аралык билим берүүнүн мекемесинин жетекчиси Орхан Инанды табылсын” деген аталышта маалымат жыйын болуп өттү. Жыйынга  маалымат  каражаттарынын өкүлдөру жана Сапат лицейинин ата-энелери, бүтүрүүчүлөрү катышты.

Ата-энелердин атынан чыгып сүйлөгөн Токомбай ТУРГУНБАЕВ:  Ал 1995-жылдан бери Кыргызстанда иштеп  2001-жылдан бери Сапат билим берүү мекемесинин президенти болуп иштеп келген  Орхан Инаандынын жоголгондугу тууралуу маалымат угуп азыркы учурда  баарыбыздын  жан дүйнөбүздү оорутуп турган учур. Мен билим берүү тармагында өмүр бою иштеп келе жаткан адам катары, Орхан Инандыны эң жакшы билген адам катары жакшы тааныйм. Анын Кыргыз өлкөсү үчүн  кошкон салымы аябагандай чоң. Сапат лицейин 2000дей окуучу бүтүрдү, ошол бүтүргөн окуучулар Америка, Польша, Венгрия, Кытай, Түштүк Корея, Малазия, Казакстан жана Россиянын көптөгөн шаарларынын эң көрүнүктүү окуу жайларында окуп жатышат. Мына ошол үчүн, биздин өлкөнүн жаштарынын келечегин ойлоо менен  жалпы коомчулуктун атынан Орхан Инанды таап берүүсүн суранабыз ,-деди  .

  Аягында  бүтүрүүчүлөр жана  ата энелердин атынан   президентке кайрылуу жолдошту.

Белгилей кетсек Орхан Инанды өлкөдө 1995-жылдан бери иштеп келген жана 2012-жылы Кыргызстандын жарандыгын алган. Ал 31-майдын кечинен бери дайынсыз болуп жоголгон. Бул окуя боюнча кылмыштар менен жоруктардын бирдиктүү реестрине катталып, иш териштирилип жатат. Ошондой эле президент Садыр  Жапаров аны  издөө иштерин  күчөтүүнү  жана  кошумча  күч  тартууну  тапшырды.