1,971 Бардыгы /

ОШ. Жусуп Баласагын атындагы Кыргыз Улуттук университетинин (КУУнун) Ош филиалында пара алуу схемасы акыры аныкталды. Бул жөнүндө УКМКнын басма сөз кызматынан кабарлашты.

Ошентип, УКМК Кылмыш-Жаза Кодексинин 325-беренесинин 2-бөлүмүнүн 2-пункту (“Пара алуу”) кылмыш белгилери боюнча сотко чейинки өндүрүштүн алкагында Жусуп Баласагын атындагы Кыргыз Улуттук Университетинин Ош филиалынын айрым кызмат адамдары пара алууга катыштыгы бар экендигин аныктады. Университеттин жетекчилиги окутуучулар менен биргеликте экзамендик сессияга жана мамлекеттик экзамендерге кирүүгө уруксат алуу үчүн чет элдик студенттерден пара алууга өзүнчө схема түзүп алышкан. Бул аркылуу Жусуп Баласагын атындагы Кыргыз Улуттук университети эл аралык коомчулуктун алдында Кыргызстандагы мамлекеттик университеттердин беделин атайылап түшүргөндүгү ырасталды.

Ушул тапта жогоруда көрсөтүлгөн пара алуу иш-аракеттерине түздөн-түз тиешеси бар башка адамдарды дагы аныктоого багытталган ыкчам-тергөө иш-чаралары жүргүзүлүүдө.

Алишер ТОКСОНБАЕВ, өз кабарчы