1,830 Бардыгы /

ЖАЛАЛ-АБАД. Жалал-Абад шаарынын Курорт аймагында жайгашкан Л.Бакирова көчөсүнө 5 гектар аянтты ээлеген Футбол академиясы курулат.

Жалал-Абад шаардык мэриясынын маалыматына ылайык, бул боюнча коомдук угуу өткөрүлүп, ага катышкан жашоочулар бир добуштан футбол академиясынын  курулушун колдоду.

Академия 400 орунга ылайыкташып, Кыргыз Футболдук союзунун көрсөтмөсү менен ФИФА жана АФК уюмдарынын талабына ылайык курулат.

Академияда жатакана, ашкана, медициналык бөлмө, 3 чоң, 4 кичи футбол аянттары жана бир жабык спорт зал болот. Ал жайдан балдар футбол ойноодон сырткары англис тилин да үйрөнүшөт.

Футбол академиясын куруудан максат Кыргызстандын футбол курамасын өнүктүрүү менен бирге дүйнөлүк деңгээлдеги мыкты футболчуларды даярдоо. Футбол академиясын куруу үчүн шаардык мэрия тарабынан атайын жер бөлүнүп берилип, Учурда ал  жерде курулуш иштери жүрүп жатат. Академия ушул жылдын октябрь айында бүткөрүлүп, 9 жаштан 17 жашка чейинки балдарды кабыл ала баштайт.