1,428 Бардыгы /

Ош шаарында жана Ош облусунун айрым райондорунда эски жабдууларды алмаштыруу үчүн жаратылыш газы өчүрүлөт. Бул тууралуу «Газпром Кыргызстан» компаниясынын маалымат кызматы маалымдады.

«Газпром Кыргызстан» компаниясы Ош облусунда жайгашкан, 1987-жылы ишке берилген «Ош»Газ бөлүштүрүүчү станциясындагы эски жабдууларды алмаштыруу иштерине байланыштуу, 17-августта саат 07:00дөн 19:00гө чейин Ош шаарында жана Ош облусунун айрым райондорунда жаратылыш газын берүүнү убактылуу токтоторун маалымдайт.

Өткөрүлө турган иштерге байланыштуу, Ош шаарында жана Ош облусунун Кара-Суу районунда жаратылыш газы убактылуу өчүрүлөт.

Мындай жумуштар өткөрүлүп туруусу керек, анткени, жылытуу сезонунда газ бөлүштүрүүчү станцияда болгон жүктөмдөр жогору болот. Ошого байланыштуу, жылытуу сезонунда авариялык өчүрүүлөр аз болушу үчүн жай мезгилинде оңдоо иштери жүргүзүлөт.

«Газпром Кыргызстан» компаниясы түзүлгөн ыңгайсыздыктар үчүн кечирим сурайт. Биз жаратылыш газын колдонууда коопсуз, ыңгайлуу жана жеткиликтүү болушун каалайбыз.