987 Бардыгы /

Кыргыз Республикасынын Борбордук шайлоо комиссиясынын (БШКнын), шайлоо комиссияларына көмөк көрсөтүү боюнча республикалык көмөк көрсөтүү Штабынын, Жогорку Кеңештин шайлоосуна катышып жатышкан саясий патиялардын жана талапкерлердин, ошондой эле таза жана акыйкат шайлоо өткөрүү боюнча “Келечекке жол” Улуттук долбооорунун ортосунда түзүлгөн келишим токтоосуз ишке киришти.

Ошентип, БШКнын, шайлоо комиссияларына көмөк көрсөтүү боюнча республикалык Штабдын,  саясий партиялардын жана 28-нобярдагы парламенттик шайлоого катышып жатышкан талапкерлердин ыйгарым укуктуу өкүлдөрү, ошондой эле таза жана акыйкат шайлоо боюнча “Келечекке жол ” Улуттук долбоору коомдук күчтөрдү консолидациялоо жана өлкөбүздүн прогрессивдүү нукта өнүгүүсү үчүн заманбап жана жагымдуу өбөлгөлөрдү жаратууга, коомдук-сасий туруктуутулукту бекем сактоого, жарандык тынчтыкты, улуттар жана конвессиялар арасындагы ынтымыкчылыкты козутпоого, шайлоодон кийинки мезгилдеги саясий чыңалууга жана массалык башаламандыкка жол бербөө максатында төмөнкү  милдеттерди кыйшаюусуз аткарууга кол коюшту.

Буга ылайык БШК Кыргыз Республикасынын Жогорку Кеңешине таза жана акыйкат шайлоону улуттук мыйзамдарда толук кандуу сактоо менен даярдайт жана өткөрөт.

Ал эми Жогорку Кеңеш шайлоосунун комиссияларына көмөк көрсөтүү боюнча республикалык Штаб шайлоону даярдоодо жана өткөрүүдө келип чыккан бардык уюштуруу-техникалык маселелерди ыкчам жана сапаттуу чечүүдө бардык деңгээлдеги шайлоо комиссияларына жогорку дэңгээлде көмөк көрсөтөт. Мындан тышкары административдик ресурстарды колдонууга таптакыр  жол бербөө жана шайлоо жараянына мамлекеттик бийликтин, ошондой эле башкаруу органдарынын кийлдигишүүсүн таптакыр болтурбоо жаатында комплекстүү чараларды дагы көрмөкчү.

Буга улай Жогорку Кеңештин шайлоосуна катышып жатышкан саясий партиялар жана талапкелер дагы Кыргыз Республикасынын Баш мыйзамынын, башка дагы мыйзамдарынын, ошондой эле ченемдик укуктук аткарылышынын өтө так сакталышын толук кепилдейт. БШКдан жана Республикалык штабдан биргелешип таза, калыс жана акыйкат шайлоо өткөрүү үчүн бипбирдей жагшымдуу шарттарды түзүүнү үзгүлтүксүз талап кылат. Өлкөбүздөгү коомдук-саясий кырдаалды атайылап туруксуздаштырбоого жана улуттар аралык коопсуздукка олуттуу коркунуч туудурган ар кандай мыйзамсыз жосундарга жол бербөөгө милдеттенет. Ар бир партия, ошондой эле бардык талапкерлер жана шайлоочулар шайлоо – бул өлкөнү өнүктүрүү жөнүндөгү Программалардын жана идеялардын күрөшү экендигин билүүгө тийиш! Ошондуктан, саясий маданияттын жогорку үлгүсүн жана бири-бирин сыйлоо принциптерин кыйшаюусуз так сактоого милдеткер! Саясий күрөштүн маалында партиялар жана талапкерлер инсандын кадыр-баркына жана жеке аброюна өтө шек келтирген ар кандай бир беткей маалыматтарды, жалган-жашык ушактарды таратууга, ар кандай өңүттөгү жалааларды жайылтууга катуу тыюу салынат. Эң башкысы: Жогорку Кеңеш шайлоосунун жыйынтыгы жарыялангандан кийин утулган тарап жеңилгендигин моюнга алууга жана жеңген тарапты чын ыкластан куттуктоого ылайыкташканы оң!

Баса, аталган Келишимге БШК, Республикалык Штаб өкүлдөрү, Жогорку Кеңеш шайлоосуна катышып жатышкан “Ата Мекен”, “Ишеним”, “Ынтымак”, “Улуттар Биримдиги”, “Ата Журт-Кыргызстан”, “Ыйман нуру”, “Альянс”, “Эл үмүтү”, “Азаттык”, “Мекенчил Эл”, “Кыргызстан биримдиги патриоттук партиясы”, “Аруузат – Эл куту”, “Багыт”, “Кыргызстан жашылдар партиясы”, “Легалайз”, “Жашасын Кыргызстан” партияларынын өкүлдөрү, “Келечекке жол” Улуттук долбоорунун жетекчиси Турсунбек Акун кол коюшту.

• Аталган долбоорду токтоосуз түрдө жүзөгө ашыруу максатында

“Келечекке жол” Улуттук долбоорунун активисттери ушул тапта өлкөбүздүн бардык булуң-бурчун – аймактарын түрө кыдырып, жергиликтүү шайлоочулар жана активисттер менен тынымсыз жолугушуп, аларды сын-сунуштарын дагы тыңдап жүрөбүз, – деди Кыргыз Республикасындагы “Келечекке жол” Улуттук долбоорунун жетекчиси Турсунбек Акун.

Баса, аталган улуттук долбоордун аракети өз акыбетин канчалык даражада кайтарат? Муну 28-ноябрдагы Жогорку Кеңеш шайлоосунун жыйынтыктары аныктаары шексиз….

          Алишер ТОКСОНБАЕВ, өз кабарчы