3,174 Бардыгы /

ЖАЛАЛ-АБАД. ИИМде К.Көлбаевдин уюшкан кылмыштуу тобунун мүчөсү катары каттоодо турган “Чаян” кайнама аттуу жаран кармалды.

Жалал-Абад ОИИБдин басма сөз кызматы маалымдагандай, 2022-жылдын 23-март күнү Жалал-Абад областтык ички иштер башкармалыгына Жалал-Абад шаарынын 31 жаштагы тургуну арыз менен кайрылган. Ал өзүнүн арызында Жалал-Абад шаарынын аймагында өзүнө сырттан тааныш болгон “Дастан” аттуу бала “көчө баласымын” деп коркутуп, 20 000 (жыйырма миң) сом акчасын алып койгондугун билдирген.

Бул факты боюнча топтолгон материалдар ошол эле күнү Жалал-Абад ОИИБдин МЭЖна катталып, Кыргыз Республикасынын Кылмыш-жаза кодексинин 206-беренесинде (Тоноо) көрсөтүлгөн кылмыштын белгилери менен кылмыш иши козголгон.

Жалал-Абад ОИИБдин Кылмыш-иликтөө бөлүмүнүн уюшкан кылмыштуулукка каршы күрөшүү бөлүмчөсү тарабынан жүргүзүлгөн ыкчам-иликтөө иштеринин натыйжасында жогорудагы окуяга шектелип, ИИМде К.Көлбаевдин уюшкан кылмыштуу тобунун мүчөсү катары каттоодо турган “Чаян” кайнама аттуу Жалал-Абад шаарынын 1994-ж.т. тургуну А.Д. кармалган.

Бүгүнкү күндө А.Д.нын Жалал-Абад облусунун аймагында катталып бети ачылбай жаткан оор жана өзгөчө оор кылмыштарга тиешеси бар же жоктугун аныктоо максатында тийиштүү иш-чаралар жүргүзүлүп жатат. Тергөө амалдары уланууда.

https://youtu.be/cYh_Gy2Wv5c видео ушул ссылкада.